تفاصيل المنشور

وكان كُل الشعور واحد، ولا واحد من جموع الناس يعرف يقول جُمله او حرفين، وكان كل الحضور ساكتين ولكن جوا العيون تتشاف دموع الكل والأحزان مفيش إنكار ولاتبيَان مفيش تبرير عن اللي اتشاف ولا تقدر تقول مألوف ولا تقدر تقول نُكران ومابين عتمة سواد الليل وخيط الفجر لما يبَان تلاقي الغدر بالألوان غريق في الدم من طعنة لجل الكيف شهادة زور عن الأحداث لجل الزيف وصوت للحق مش مسموع على الساحه ولو تسمع تلاقي في الكلام ممنوع ومين يسمع يلاقي فيها نَزعِة خوف رياح أمشير بقالها كتير بترمي الكل بالطوابير زعابيب الزعل بتدور تعربد في النفوس أخلاق تزور الحق في الأعماق تلاقي الضعف مش مجبور يدور الدور وكله هيدفع الفواتير زحام ع الناصيه في الشارع سباب وخناق وع الناصيه اللي جنب البيت او الجامع تلاقي زعيق حشيش، أفيون، وشابو وأيس للبيع ما قلنا في مره ورا مره، بلاش توزيع قالولنا دماغنا خرمانه... لولاها نضيع شباب بتحرك الأحداث مع الالحان بمهرجانات سلاسل ع الرقاب أوطوق وشوق ولهان عليهم شوق وكلها لحظات تلاقي الكل مِدَّروش وبإديه اللي فيها الطوق في كل ناحيه بتلوِّش على الناصية تلات أصناف بتفاصيلهم واقف يرازي في كل خلق الله وماسك طوق بيمنع جوه منه الخوف وصاحب كشك بينادي تجاره وكلها خسران ويحسب كل غاره بخوف تعالا وشوف ملامح كلها خسران مفيش تكتيم ولاتمويه ضياع الكُل ع المكشوف وناس واقفه وبتشاهد ملامح اضطراب للخوف على ولادها وملامح ضعف جواها ولو تنطق بصوت الحق كام مره بتداري الوشوش فيها، ملامح صدمة فيها كِسوف على الناصية هنا تلاقي الحكمة تتوزع من المشهد ومين يشهد سكوت الكل عن عيب بيتكرر يخلي الكل بقى عبره ولو قرر يعيد الكرَّه أو يغضب، يكون الزمن ولَّى، وفوقه ضاعوا عشرين عام حروفك للجموع أوهام وحلمك قبل نور الصبح يتفسر هلاوس فاستغطى ونام #كرم_محمد_حربي #عاميه #على_الناصيه #شعر #مجتمع #قصيد