تفاصيل المنشور

تعرف المناديل ..

قد إيه حُزنك

يعرف الكورنيش ..

قد إيه وحدتك

تعرف الجرانين ..

قد إيه بتحلم

تلقى برجك يوم ..

فيِه حلول محنتك

**

تعرف الفناجين ..

الشقوق فـ شِفاك

تعرف السكاكين ..

رغبتك فـ الموت

خفف التمثيل ..

دمعتك كشفاك

حتى لو بيّنت ..

قد إيه مبسوط

**

تعرف الكوالين ..

قد إيه خوفك

تعرف البطاطين ..

نومك القلقان

تعرف الدكاكين ..

قد إيه خنقتك

كل يوم بتفرتك ..

علبتين دخان

**

تعرف الشياطين ..

ثغرتك من فين

تعرف المسابيح ..

إن أصلك طيِّب

تعرف المرايات ..

تَفّتك على وشّك

لما تخسر شيء ..

كان حقيقي قريِّب