-فاضية المخالي م الحلول
راضية الأيادي بِقُصرها
شاهدة الشوارع ع الرجول
اللي زِهِقت فـ نُصّها
-فاردة القهاوي 100 دراع
للي ملوش فـ الدنيا متوى
*اطرح لي عمرك مـ اللـ ضاع
متبقي كام؟
-متبقي خطوة
-محتاجة واحد قلبه قاعد
وأنا قلبي شعر راسه واقف
خِسرت فـ آخر عركة ساعد
مش حِمل اخسر تاني خايف
*صدقني حاسس بيك وعارف
اللي انت قاصده واللي حايشه
أنا كنت زيّك من سنين
نفس السيناريو كنت عايشه
-طب قول لي اعمل ايه يا ريت
*يا رتني اعرف كنت قولت
-هو انت اصلا مين ما تنطق
*أنا نسخة منك بس مت
8