تفاصيل المنشور

أحبك حقيقة مش لعب ولا حكاوي

ولا تسالي مني ولا مزوح

أشتيك تقلي على إيش أنت ناوي

قلي برايك إشارة وبوضوح

لا تخلي طريق حبنا بالهوى ملاوي

قول الصراحة لي وطمن الروح

وان عادك طريق الطيش غاوي

على درب الهوى تجي وتروح

يوم هاوي لنا وأحيان بالهجر ناوي

أحيان في مخبت وأحيان مضروح

حبي أنا عالي مثل النجوم سماوي

ما يقبل حب في الطريق مطروح

كلٍ يسلم عليه قريب أو غريب غاوي

ويسمر مع أم عاملي جلبوح

هذي شروطي شعري لها حاوي

وأنت فكر نقفل وإلا يكون مسموح

وتعلن السمع والطاعة نسمر على غصن كاوي

ويكون باب الهوى بالوصل مفتوح

من بستان خدك أقطف غصن الهوى الراوي

وسلمك مفاتيح القلب والروح

وارشف مبسمك شهد فيه الشفا حاوي

وشم عطر النهود بالعطر منفوح