تفاصيل المنشور

ضعيف وضعفي الشيطان بيحبه

بيخُش منُّه لحد باب الروح

أوِّل ما أقول

"أعوذ بالله" يجري

أوِّل ما اسكت

يلحقني فين ما بروح

.

عاركتنا دايمًا تبتدي يوميًا

م الفجر دايرة لحد وقت المسا

أوِّل ما أنام

آلاقيه ناطط لي فـ حلمي

مش عارف أنقذ نفسي م الوسوسة

.

بيحب خوفي وخوفي واخد صفّه

أتوب يقول له: "سيبه خبزه وعارفه

هيغيب يغيب ويجي مادد كفهّ

بذنب يجعل آخرته فـ النار"

اديني بسعى وهو برضو بيسعى

اكسب فـ مرة وهو يكسب تسعة

حُب الخطيئة مُكتسب أم نزعة؟

قَدرنا ولّا لينا فيها قرار؟