تفاصيل المنشور

الليالي واخدة صفِك

بتنميها إزاي قوليلي

الليالي واقفة ضدي

كل ماجي أنام تجيلي

.

نوبة م الكوابيس تخلّي

دمعي ينزل مني مغلي

نفسي لما تشوفي شكلي

.

ابقى فلتة و نجم جيلي

-

مش حاببني أبان فـ عينك

بابتسم والحزن نافر

مش عاوزني احتاج لإيدك

مهما كنت فـ عرض ضافر

.

عندي اسلم لي واحسن

إني اعيى فترة واسخن

الفراق لو شخص مثلًا

.

كنت موتّه ده كافر

-

كل ليلة بامنّي عيني

إني هاعرف أنام لي ساعة

والليالي تقول يا عيني

"جسمه خد م النوم مناعة"

.

والنهار يطلع فـ بيتها

نار فـ قلبي لو طليتها

هنتقم لسنين صحيتها

.

وهي نايمالي بوداعة