شيماء بركات

#ايه يا قمر كل ليله تشوفني ابكي وقلبي من حزنه انفطر اصبحت ليه دمك تقيل وسرقت من روحنا الحنين عايشين بقالنا كام سنه لاشفنا فرح ولا هنا كل لحظاتنا سهاد حتى اشتكينا للسحاب فتحت يجي الف باب وانت إللي قلبك من حجر #ايه يا قمر مالك ومال وش الطفوله الطيبه جاوبني من غير تهتهه والدموع ذات نفسها هتكون دليل على قسوتك كل الألم من جعبتك واحنا اللي فاكرينك اصيل وبنشتكيلك في السهر #ايه يا قمر كم مره اقولها لك خلاص دمعنا أصبح مناص بيخفف الجرح اللي فينا بيداوينا بكل رحمه ليه طريقك كله زحمه بقيت سخيف زي البشر #ايه ياقمر هنتحايل على ضيك علشان ينور دربنا ونتمايل على رمشك علشان يطيب جرحنا إيه ذنبنا مبقتش ليه بتحبنا عمال بتفضح سرنا ترسمها في أوراق الشجر #ايه ياقمر بكفاياك عند ومشاغبه مش محتاجين منك مسانده راحت ايامنا اللي شارده لما كنا بنسهرك. ونقدرك ونفكرك بالحب وكلام الغرام طيب سلام نام يا قمر إيه ياقمر

انا مش بخاف غيرك يارب فرُدّني/ واجعلني م الطاهرين وصالحة فاهمة السنين والعمر لما بينطوي قلبي العليل مبقاش بيصفي لأي شخص /يقابلة صُدفة ضي روحه اضاءة خافتة. كل ماينطق جوه روحه ( انا عاوز انسىٰ) القاني خايفة وبرتعش/ فيه جرح جارى بيتنفض كل اما يسمع صرخ عالي فورا شموعه بتنطفى

اخدني الشعر ورماني من غير كلام صبح السلام يشبه عيوني وهي خايفة مغمضة آدي القضا. وقلب كان مليان رضا وجروح بتنزف م الهوا /وجناح عويل زفّوا الحنين بالورد وبخروا/ كل الأماكن #جديد

“مؤسسة فنون آلابندا هي مساحة فنية وإنسانية للحوار الصادق والتعبير الحر، نمنح الناس مساحة آمنة للكلام عن أحلامهم وتعبهم وطموحاتهم ومشاعرهم الحقيقية، كما هم دون تزييف. نسعى لإيصال صوت الإنسان البسيط إلى أوسع نطاق من خلال الفن والكلمة والمحتوى الهادف، لأننا نؤمن أن كل صوت يستحق أن يُسمع ويُفهم.”

سلمولي على اللي مني سلمولي على اللي غايب قولوا مهما بعدت.. قلبي لسه شايفك حلم دايب وانت لو تايه تقولي لجل اسيب الباب موارب تيجي تشرب شاي حناني تيجي تسمع شوق حبايب عيني. روحي. نبض قلبي واللي باقي عمر تاني واللي راح اهو فات وعدّى واللي جاي دُنية جناني وسلمولي على اللي مني سلمولي على اللي غايب #رومانسيات2026 #شيماء_بركات