وسم

من حال لحال اتبدِّلت بيا الليالي

شقلبتي حالي وخليتيني أدوب أوام

سيطرتي على عقلي وأحلامي وخيالي

وبقيتي بتشاغليني حتى في المنام

وأنا مش إمام الحُب ولا فارس هُمام

يا وحشاني..

وفايتاني قليل الحيلة من بَعدِك..

وصلباني.. على ضَهر الصليب في المَهد

ونسياني في بحر الشوق

أعيش مُتلازمة الحيرة في جزر ومَد..

الشوك منبت من آثار الشوق

غمَّضت عيني.. من الوجع.. فتَّحت

بصيت لفوق وانا روحي طالعه لفوق

بصيتي ليا لاقتني نازل تحت..!

تنَّحت فجأة وقولت خايف أفوق

شيلت المرايا لقيتها واقفة وحاجزة بينا

مديت بجسمي خطوة واحدة وخدت إيدك

من يوم ما قابلت روحي روحك وانتي جنة

ولقانا كان قدري ونصيبي إني أبقى عيدك

ولإنك انتي بقيتي سكة آخرها فرحي

من كام سنة..

كان أبويا بيطوف الحياة

علشان يسلمني الطريق

كان أبويا روح

والجِسم عَمران بالشقا