تفاصيل المنشور

عزتي للعين ضاقت في مساحات الضلوع

من هواجيسن تخلي صافي الخاطر عِكِر

​كل ما حل الظلام وبارت أشباه الشموع

يسري الموال الأظلم في تفاصيل الفِكِر

​آه من ليلن يجر النفس في درب الخضوع

وآه من حلمن بنيته وانكسر قبل الفَجِر

​يا زمان الفقد هبّت من لواهيبك جموع

واستباحت حرمة النوم وسهر ذي ما سهر

​الهوى لوعة وتاليه التباكي والدموع

والوفا كذبة تصدقها عيون المنتظِر

.

​من يداوي علة اللي يحسب الساعة سبوع

كل ما مرت طيوف الخل في الليل الغِدر؟

​كنت أظن الصبر لي في غيبة الغالي دروع

بس صبري هد حيلي ذقت من صبري صِبر

​انطفت شمس الملاذ ومالت اغصان الفروع

والعمر قفا ركابه واسأل الله الستر

​يا عيوني هلي الصافي عسى يبري المروع

واخمدي جمر المفارَق ذي بقلبي مستعر

​سِنة الأيام تمضي بين صوع وبين طوع

والشقا مكتوب للي عاش في عمره ضِجِر