تفاصيل المنشور

قصيدة: بالعامية المصرية

ــــــــــــ،،،،،،،،،

تحيا العيون فيض من مدد

يا بحر ساكن على الرموش

علو المآذن فى البلد

فيض محبه ما ينتهيش

لما الصراخ فى قلبى طال

قلت أفتح ليومى طاقة فرح

لقيت الحزن فى عش مال

بين المساكن يفترش

أنا قلت أجمع للصباح

سبع سنابل للترح

ده أن كان يطول بينا الوجع

بكرة يعاود بالفرح

رحلة و نهايتها يوم بعيد

ساكنها غدوة بالوشوش

قرود وفيهم عاملة باقية

واحدة و الباقى نقوش

أن شميت رحيتها يمكن

يتغير طبع الكروش

يا دنيا فايضة من الوجع

ده الهم كاسر بالوشوش

رحل فى ساعة صبح طال

على ريش يمامة بميت سؤال

و من غير ما يخبر حد قال

رجع النهار بقلوب ما فيش

مات جواه حب النضال

وقلبه ضاع من التهميش